Til hamingju!
             Ramadan er hafin!

Í nafni Allah, hins náðuga, hins miskunnsama!

Ramadan Mubarak - Til hamingju með Ramadan!

Islam.is vil óska öllum múslimum til hamingju með það að Ramadan sé kominn enn og aftur! Þetta er sá tími sem flestir múslimar bíða spenntir eftir þar sem hlið helvítis eru lokuð og hlið himnaríkis opin. Þetta er sá tími sem að við múslimar endurskipuleggjum líf okkar til hins betra, föstum og biðjum. Það er mikilvægt í þessum mánuði að taka sjálfan sig í sjálfskoðun og kanna hvað maður getur gert betur og hvað það er sem við erum að gera rangt svo við getum orðið betri múslimar og betri einstaklingar.

Á meðan Ramadan stendur er opið í moskunni okkar, Ármúla 38, alla bænatíma samkvæmt tölfunni hér til hliðar. Opnað er fyrir fajir rúmlega 0400 að nóttu til og er opið einnig fyrir Duhr, Asr, Maghrib og Isha. Taraweeh bænir eru haldnar alla daga á eftir Isha sem er um 22:30 og við hvetjum alla múslima til að mæta sem oftast og biðja í moskunni.

Svo að lokum þá stefnum við á það að hafa sameiginlega Iftar(föstulok) á laugardögum á meðan Ramadan stendur. Allir eru hvattir til að koma með smá mat til að það sé nóg handa öllum og eru allir velkomnir!

Megi Allah blessa okkur og hjálpa okkur að komast auðveldlega í gegnum Ramadan!

Í nafni Allah, hins náðuga, hins miskunnsama!

Ramadan nálgast óðfluga - heilagasti mánuður okkar múslima og bíða eflaust flestir múslimar spenntir eftir þessum mánuði. Þetta er sá tími þar sem hlið helvítis eru lokuð og hlið himnaríkis opnast. Tími til að endurskoða líf sitt, fasta og verða betri múslimi. Þakka fyrir alla þá blessun sem Allah hefur veitt okkur og biðja fyrir þeim sem hafa ekki notið sömu blessunar og við. Inshalla munum við öll standa okkur vel!

Fyrir þá sem ekki eru með þetta alveg á hreinu þá er Ramadan níundi mánuður í islamska dagatalinu. Þetta er sá mánuður þar sem Muhammad spámanni var í fyrsta skiptið opinberaður Kóraninn og því mjög mikilvægur mánuður í augum múslima. Einsog minnst var á áðan þá nýta múslimar þennan mánuð til að endurskipuleggja líf sitt á öllum sviðum og reyna að ná enn betri tökum á trú sinni og tengslum við Allah.

Islam.is hefur sett upp upp kynningarsíðu fyrir þá sem ekki eru múslimar, eru nýir múslimar eða bara gamlir múslimar, um Ramadan og er ætlað fyrir okkur til að læra og endurbæta trúrækni okkar. Þessi síða heitir einfaldlega Ramadan og má sjá hérna á valmyndinni fyrir ofan.

Ramadan Awarness Campaign er kynningarherferð sem hefur verið sett af stað í Ástralíu um Ramadan. Þeir voru svo góðir að lána okkur efni til að birta á síðunni og þökkum við þeim kærlega fyrir það. Við hvetjum alla til að kíka á heimasíðu þeirra sem nálgast mér hér.

Megi Allah blessa þau fyrir þetta frábæra verkefni.

Megi friður og blessun Allah fylgja okkur öllum!

Í nafni Allah, hins náðuga, hins miskuna!

Islam.is hefur tekið saman greinar og upplýsingar sem auðvelda á fyrir fólk að taka trú. Greinarnar kenna fólki að þvo sér, hvernig skuli biðja og  eru í raun almenn kennsla um Islam sem gerir fólk færara í að iðka trú sína á réttan hátt. Ákveðið var að setja þetta upp vegna þess að á internetinu er mikið af upplýsingum og flestar af þeim eru mjög góðar en því miður eru mjög margar sem ekki eru nógu góðar og leiða Múslima á rangan veg eða jafnvel fæla þá í burtu frá Islam. Greinarnar er hægt að nálgast undir liðnum "Um Islam" og í undirhlekki sem heitir "Nýjr múslimar". Við mælum með að allir kynni sér þetta því þetta er frábær leið til að komast nær trúnni sinni og viðhalda henni.

Megi Allah blessa okkur og hjálpa okkur í að viðhalda trú okkar.